Drie weake en nag steeds de weag kwiet

Jaja al drie weake bun ich al in Australie, begin noe al aan mien veerde weak. De eerste foto's staon auch al biej mien anger verslaag en der volge dr langzam meerdere.
Ech ongeluiflijk wie dea tied vluug. Het werk es au pair bevilt good, alhoewel ich mich waal smorges verveal. Dinsdig tot vriedig begin ich pas om 14.30u (waal van te veure de was veurre familie doon maar goed det nump neet veul tied in beslaag). Dit hub ich besproake mit de familie en zie laote mich dao vriej in om anger wirk doaneave wil doon. Mit hulp van de hostmum hub ich werk gevonje biej ein anger familie. Dao begin ich kommende donderdig de ochtende om te helpe mit ein aantal take (oppasse, stofzuige, stof veage en de was).

Lits hub ich same mit de hostfamily ein lieske gemaak van plaatse in Sydney die ich gezeen mot hubbe.
Inmiddels kin ich de coogie walk, opera house, the botanic gardens en de harbour brigde al aafstrepe. Om ff in chronologische volgorde te beginne:

Het tweede weekend haaj ich mit drie Nederlandse au pairs aafgesproake, om eers nao opera house, harbour bridge te gaon en dernao nao Mardi Gras. Mardi Gras is ein gay parade.
Twee van die meadjes ware al langer hiej en die wiste waal de weag zagte ze, nao 2 oer laupe ware we precies op dezelfde plaats, balen want ich wol gear het opera house van dichbiej zeen. Magda (super aardig meadje oet Eindhove) en ich ware dr op ein gegeave moment ein bietje kloar mit (waas auch neet ech eine klik mit die anger meide), dus hubbe we os gesplits veur het geval det we de parade onnag zoewe misse. Oeteindelik kwame we op de straot van de parade, waal get erg vreug. We ware om 17u doa en optoch begos pas om 19u, maar noa get eate en drinke te hubbe ingeslage en ein fijn pleatse in ein bushukske te hubbe gevonje waas det al gauw helemoal in orde. We ware zoget de enige ' blanke', ech bienao alle luuj om os hear ware Aziatisch. Iets waat ich neet haw verwach wie ich hiej hear kwoom, maar in Australie wone dus ech heel veul Aziaten. In idder geval haaje we waal ech gezellige Aziatische luuj om os hear, ein aajer koppeltje det veur os stong heat de ganse parade allein maar gelache. Erg gezellig.
De parade zelf waas auch erg indrukwekkend, geweldige kostuums, vrolijke muziek, vrolijke miense. Kortom geweldig!
Saoves besloate Magda en ich det we toch ech nag neet nao hoes wolle en zeen we ein kroeg nao binne gegaon. Allemaol homoseksule miense om os hear, ein travestiet waat optreajes goof maar waat hubbe vr os good geamuseerd.

De zunjig drop mit Magda nao Bronte beach gegange, zelf vonj ich Bronte mooier es Bondi (get meer natuur en neet zo toeristisch). Haw auch ein zwumbad mit zeewater drbiej, det maak het natuurlik aaf. Dernao zeen we nao de bios geweas, want ich mos en zou 50 shades of Grey zeen haha.

Toen zoot het weekend alweer drop en mos ich weer aan de weak beginne, de derde weeak wel te verstaon. Ongeluiflijk maar woar, iddere weak verriej ich mich. Is ut neet nao het zwumme of tennis den is ut waal noa het kinjerdaagverblief van het kleinste, allein de weag noa de sjool van de aadste zit in mien geheuge geprogrammeerd. Vandaag gebeurde het mich helaas weer. Maar goed, hoapelik kump det volgende weak gans good.

Aafgelaupe weekend hub ich het neudige Limburgs gezelsjap gehad. Vriedigaovund bun ich mit Liesbeth en Jos die noe 7 jaor in Australie wonen(veur diegene die neet wete weam het is, de bure van mien oom en tante) in Sydney gaon oeteate. Hele gezellige aovund en auch fijn om ff Limburgs te kinne kalle. Toen ich nao de wc mos, bleek dr gein wc in het restaurant te zeen en kreeg ich eine sleutel mit wo aan eine knuffel van eine knien hong (gein knuffeltje maar ech eine knuffel, zie foto) haha. Volges Liesbeth waas det normaal en deile meerdere restaurantjes ein wc . Euver wc's gesproake waat ech fijn is det ze hiej euveral oapenbare wc's hubbe, en auch nag zuuver auch.
Dea zoaterdig drop bun ich mit ein Limburgs meadje gaon lunche biej het opera house. Haaje os ein gooie daag oetgekoaze, super wear en mooi oetzich nao de harbour bridge. Wederom erg gezellig.
Dernao bun ich op bezeuk gegange biej ein Australisch gezin. Dit waas ein van de gezinne womit ich auch haaj geskype om misjien heur au pair te weare. Ich haw oeteindelik neet veur dit gezin gekoaze maar ze hawwe mich waal oetgeneudig om op bezeuk te komme es ich in Australie waas. Hele vrunjelike en gastvrieje miense, leete mich het hele hoes zeen. Ich vinj sowieso de miense hiej ech vrunjelik. Helpe dich euveral mit. Lits waar ich verdwaald en vroog ich de weag aan eine veurbiejganger. Dea waas eigelik op weag nao zien werk maar naodet dr op zien horloge keek zag dr ' is het oke es ich instap den wies ich dich woosse zeen mos en stap ich doa oet en laup ich vanoet dao noa mien werk'. Ich bedoel, wea duit det noe in Nederland?

Gister (zunjig) hub ich same mit nag 3 Nederlandse meide de coogie walk gedaon. De coogie walk is ein ongeveer 2 oer durende wanjeling langs versjillende strande, erg sjoan. We haaje geluk mit het wear, want ze haaje onwear en reage veurspeld maar het zunke sjeen fijn en dr waas ein lekker windje. Toen we bienao biej het einde wore, waar ein gruupke jonges aan het volleyballen. Wie we drlangs leepe vroge ze of we mit wolle doon. Woarom neet dachte we en hubbe we twee putjes mit gevolleybald. Dernao zeen we door gelaupe en begos het kei hel te reagene. Teage de tied det ich thoes kwaam, ware mien kleijer weer opgedreug maar dit waas toch de eerste keer det ich pin hub geleje in Australie.


Om ein lank verhaol kort te make, het geit mich tot noe toe (ff aafkloppe) good en wil auch nag neet heives. In april hub ich trouwens angerhalf weak vriej en hub ich mich ein reisje geboekt nao Fraser Island en de whit sundays. Fraser Island is ein 3 daagse tour mit auto's en dernoa kampere op het strand en de whit sundays is twee daag mit de boot en auch slaope op de boot. Hub dao noe al zin in!