Fraser Island en Whitsundays
Door: Natasja Brentjens
Blijf op de hoogte en volg Natasja
14 April 2015 | Australië, Chatswood
Ich bun net eine daag truuk van ein 10 daagse vakantie. De kinjer hubbe twee weake easterholidays en de hostfamily goof mich de tip om veur dees daag get te boeke, dit waas namelik het ideale moment om get meer van Australie te zeen. En dao hub ich natuurlik gebroek van gemaak.
Zaoterdig 4 april vertrok ich den mit de vleeger (angerhalf oer vleege) nao Sunny Coast om van dao oet mit de bus noa Rainbow beach te gaon.
Zo raar, bus nag steeds in het zelfde land maar dr zeen waal versjille in temperatuur. Wie ich smorgesvreug vanoet Sydney vertrok reagende het en waar het zon 18 grade. In Sunny Coast waar het smorges om half 10 zon 25 graden mit veul zon.
Einmoal in Rainbow beach mos ich inchecke in het hostel. De allereerste keer in mien leave in ein hostel, ich veulde mich ech ein groentje om het zo maar te zikke. Tis natuurlik gans anges den mien eigen kamertje in Sydney, want hiej deilse de kamer mit 6 anger miense. Gelukkig haaj ich waal ech super leuke huisgenootjes, 6 Mexicaanse meide. Heel gezellig, auch heel beleaf want ze kalde constant Ingels omdet ich gein Spaans sprook en es maar eine auch ff ein weurdje Spaans kalde wirde dea door de res vanne groep doa op aangesproake. Saoves ging ich mit de Mexicaanse meide in het hostel nao de karoake. Erg gezellige aovundj, de Mexicanen weite waal waat fiesta is. Ich hub onnag ein karoake leedje gezonge, Proud Mary van Tina Turner. Al mit al eine geslaagde aovund.
De volgende daag vertrokke we den mit de jeeps nao Fraser Island. 4 Jeeps in totaal mit 8 personen in ein Jeep. Ich zoot in ein Jeep mit Zwitserse, Duitse, Zweedse en ein ingels meadje. Ein gezellige boel, idderein motiveerde elkaar auch onger het rieje, aangezeen dr bis get lestige stukke tusse zote (rieje door los zand) en ze op de informatie bijeenkomst os ein bietje sjoew haaje gemaak det t geveerlik kos zeen. Oeteindelik veel det bis waal mit. Ich hub auch twee keer gereje in die drie daag. We wisselde os steeds aaf.
Maar euver de Fraser Island tour, geweldig! Rondrieje in jeeps en den haaje we per daag iets van 2 of 3 plekken wo we stopten. Zoals Lake Mckenzie, ein meer mit ontzettend helder en blauw water. Den de Lake of Piss, de naam zeat t al. Het water waar geal, vanweage de veule tea tree buim. Auch zeen we gestop biej ein wrakschip det ongeveer 60 joar geleje op het eiland is aangespeuld en hubbe we haaien gespot vanaaf eine clif. Al mit al erg sjoan. Es litste zeen we gaon zwumme in ein rivier, wovan het water auch super helder en zuuver woor. Hiej hubbe we namelik os waterflesse gevuld.
Allein bun ich door dees reis drachter gekomme det ich toch ech geine kampeerder bun. We sleepe op ein camping mit allemaol tenten en ein oape keuke. De keuke en badkamer ware neet zo zuuver en we haaje allein eine sloapzak. Gein kussen en gein matras, det waas dus neet zo comfortabel. Doabiej haaj de tourgids os al gewaarschuwd om gein eatesware in de tent te ligge, omdet dr ratte zote. En jawel hoor, gelukkig neet in mien tent maar dao soaves heurde we al ein meadje sjreeuwe. Det haw keukskes in zien tent en dr zoot ein rat. Toen ich soaves nao het wcgeboew leep en langs de keuke leep zoog ich auch get kroepe. Bah.
Geluif mich, wie nao dees drie daag truuk waas in het hostel zoog ich det es ein grote luxe. Ein matras en ein kusse en un bietje zuuvere badkamer waat waar ich dao bliej mit!
Inmiddels waar het al woonsdig en haaj ich soaves de nachbus van 14 oer noa Airlie beach. Tiedens de aafgelaupe daag bun ich veul mit twee Zweedse meadjes omgegange, we hawwe aafsjied genomme van elkaar want ze hawwe de bus eerder.
Nao die 14 oer doerende busrit, waat oeteindelik bis mit veel waar ich den aangekomme in Airlie beach. Heel klein maar gezellige pleatske, wo eigelik allemoal backpackers zeen. Dr is ein grote straot wo allerlei winkelkes en restaurantjes ligge en ein groot zwumbad ' de lagoon'. Ech heel erg mooi, ein klein paradijsje. Ich veulde mich hiej thoes. Auch waar dr ein klein strandje, maar grootste gedeilte waas gein zand maar kezele.
Zo gek eigelik esse dich bedinks det ich 14 oer in ein bus zit en nag steeds in utzelfde landj bun en ich 14 oer reis om maar 4 daag in ein pleatske door te bringe. In Nederland zoe ich det neet zo gauw doon, maar ich mot zikke doordet alles hiej zonne grote aafstand heaf bun ich dao anges teage aan gaon kieke.
Maar det effe tussedoor, weer truuk noa mien verhaol. Ich zoot dus in Airlie beach. In mien hostel aangekomme zoog ich det dr 6 bidde wore, maar ich waas de eerste. Lucky me, kos ich mich ein fijn pleatske oetzeuke. Lekker gedouch en toen effe de winkelkes aaflaupe. Kom ich de Zweedse meadjes teage. Ech leuk. Vertild, gelache en get gegeate en toe weer aafsjied genomme want ich haw van vriedig tot zoaterdig de boottoch en de Zweedse hawwe van zoaterdig tot moandig de boottoch en de moandig zoe ich alweer truuk vlege.
Ich leep truuk noa mien hostel rond un oer of 21u en tot mien verbazing waar ich nag ummer gans allein op de kamer. Zo raar, ich dach ech dit kan neet. Maar noa ein halfoer kwame twee Duitse meadjes binne.
De volgende daag ging mien wekkerke al opper tied, want dit waar de daag det ich mit de boot noa de whitsundays zoe gaon.
We zote mit 24 man op eine boot, het grootste gedeilte waas Duits. De res vanne groep kwame oet Finland, Engeland, Schotland en Italie. Eine erg gezellige groep, allein de Duitse trokke veul mitein op. Ich bun veurnamelik mit ein Schots en Duits meadje omgegange en mit de Italianen. Maar de boottoch...geweldig! We stopte biej ein van de whitsundays, genaamd whithaven. Ut oetzich op det eiland en het strand, des ech ongeluiflik. De foto's zeen dr nieks biej.
Nao mit ozze wetsuits (want dr zote kwalle) gezwomme te hubbe in het water, van het oetzich hubbe genoate, gebakt in de zon waar het weer tied om truk te gaon noa de boot. Het begos al langzaam donker te weare en de sterre kwame teveursjien. Ich hub nag nooit zoveul sterre op ein aovund gezeen. Het haw ech iets magisch. Eine perfecte aafsloeter van de daag.
De daag drop zeen we nag gaon snorkele en kajakke. Snorkele waas auch erg mooi, ongeluiflik waat zich allemoal veur get sjoans onger water bevindj.
Nao het snorkele en kajakke vore we weer truuk noa de haven. Erg jammer, ich haw bis nag ein paar daag op de boot kinne doorbringe, maar we haaje waal nag ein afterparty mit de groep en de medewerkers van de boot en ich veulde mich al zaat veurdet de oavund begos. Ich haw nag ummer het geveul of ich op de boot zoot, want ich haw wankelende bein. Gelukkig waar ich neet de enige, de res van de groep haw dr auch las van.
Al mit al kiek ich noe truuk op 10 geweldige daag, wo in ich veul nuuj miense hub lere kinne oet versjillende lenj en auch veul mooie plaatse gezeen hub. Noe bun ich aan het dinke waat ich noa dees 6 moand es au pair gaon doon. Mien veurnumme waar om nag ins 4 of 5 moand te au paire in Melbourne, maar noe dink ich det ich det get in kort nao 2 of 3 moand en de res vanne maonde gebroek om rond te reize.
Ohja en ich hub eindelik kangaroos gezeen:) ich zoot inne bus op weag nao het vleegveld toen dr ein paar langs de kanjt veurbiej spronge.
-
14 April 2015 - 06:29
Rian Mulder Nissen:
Wauw natasja, wat ein sjoon verhaol weer! Geneet en ich zou zeker nog noadinken euver het reize as ich dich waas, geneet ervan. Gr rian -
14 April 2015 - 10:35
Truus Van Langen :
Geweldig mooi verhaal heb het leuk gevonden
Wat een belevenis voor jou en jij doet dat maar heel gewoon daar in de vreemde
Geniet er van dat neemt je niemand meer af
Groetjes truus. -
14 April 2015 - 11:27
Tante En Nonk:
Hoi Meisje,
God zij dank ze bestoan dus toch. Blie det se eindelijk eine gezeen hubs.
Dets doe nog 3 moandje op vakantie wils is te begriepe en dich gegund.
T leave doa is angesj en veur oos ongewend.
Maak dr get van,doe leafs mer ens.
groetjes en ein good oponthoud gewunsj,
Van Harte tant en nonk
-
14 April 2015 - 13:25
Corrie Sliepen:
Ha Tasja
Wat ein sjoon belevenis, geniet er nog van noe et nog kan, en knap van dig det ze det zomaar in dien "eentje"duis
Groetjes oet mofert -
14 April 2015 - 13:45
Marian Corvers:
Hoi Natasja, mijn limburgs schrijven is niet zo goed dus maar in het huilands! Ik lees met grote bewondering je reisverslag. Mooi Natasja en heel erg knap wat je allemaal doet. Als ik 40 jaar jonger was ging ik met je mee, ha ha. Geniet er van en schrijf maar op kan ik ook nog een beetje genieten want ik zie het dan zo voor me. Groetjes oet Mofert.
-
14 April 2015 - 21:08
Chantal :
wow nichtje bun trots op dich!!!
Fijn om te leaze det se t ech leuk hubs.
Doe flix t hem toch mer ff
Have fun en geniet -
14 April 2015 - 21:30
Tilly:
Ha Natasja, geweldig nieuws geniet maar lekker wij genieten van de mooie verhalen van jou,
Heel knap en mooi zoo in je uppie we leven lekker met je mee.
Heel veel groetjes van Tilly en Jan . -
14 April 2015 - 22:31
Ellen Oet 't Zonnige Limburg:
Tasjke, wat 'n sjitterend vurhoal zik! Al die mooie en bijzondere ervaringen, dien nuuje ontmoetingen, t heerlijke wear: in ein woord geweldig en um jaloers van te weare. Wat bin ich blie datse t zo fijn hubs!! Blief os lekker op de hoogte houwe, foto's maken mer veural heeeel erg genieten!!! Snel weer ins Skypen, dikke poen oet t gelukkig op t moment zonnige Limburg xxxx -
22 April 2015 - 14:24
Miranda (sokkerspin ) Vanthoor:
Ha maedje..
Waat höbse ut toch sjoan doa ..Geneet en verriek dien laeve mit dinge waat weer allemoal neet mitmake in os limburgs landj...Ut is dich gegundj, en es ich alles laes en ich kin dich zo'n bietje, den bös doe nag lang neet oetgebraktj euver de ganse waereld haha !!!
Loat goan, loat goan !!
Knuff van Patje en mich xxx -
28 April 2015 - 16:08
Corina:
Hij Natasj, ig hub mig vandaag ins ff biegelaeze van al dien versjlage !! Man musjke wat hubse al veul ongernomme , gezeen en mitgemak ; petje aaf maar ig houw neet angers verwag ! Sjoon desse et dao goot nao diene zin hubs en geniet der maar lekker van ,
Groetjes C. ( witse waal ???) -
29 April 2015 - 00:44
Natasja Brentjens:
Dankjewel idderein veur uch leuke reacties.
Corina waat leuk dien berichske:) dankjewel! -
03 Mei 2015 - 18:19
Marlies En Jan Oot Mofert:
Hallo Natascha
Zo te lezen gaat het prima met jou het is een hele belevenis voor je ben maar voorzichtig en neem maar niet te veel risico.
geniet maar van de tijd die je daar bent en leuk dat we geregeld wat van je horen
heel veel groeten van ons uit mofert.
Marlies en Jan -
03 Mei 2015 - 18:19
Marlies En Jan Oot Mofert:
Hallo Natascha
Zo te lezen gaat het prima met jou het is een hele belevenis voor je ben maar voorzichtig en neem maar niet te veel risico.
geniet maar van de tijd die je daar bent en leuk dat we geregeld wat van je horen
heel veel groeten van ons uit mofert.
Marlies en Jan -
03 Mei 2015 - 21:50
Gerrit En Paula:
Hoi Meadje,
Al heeeeeel lang niks meer van dich geleaze ( 20 daag )
Hubs dich dao oug las van t slechte wear ?
Ich haop en denk veur dich van neit want bie de ausis is t zoo groot.
Det idee van wieer get van de welt te zeen is meschien neit verkeerd
want dees kans krisse waarschienlijk neit mee.
In elk geval: maak der get van en ein goud oponthoud gewunsch
van dien
tant en nonk
Reageer op dit reisverslag
Je kunt nu ook Smileys gebruiken. Via de toolbar, toetsenbord of door eerst : te typen en dan een woord bijvoorbeeld :smiley