ANZAC day, koningsdag, salsa en Ricky Martin!

Het is al weer effe geleje det ich gesjreve hub (dankjewel ome Gerrit veur mich draan helpe te herinnere). In dea tussetied weer veul dinge gezeen en mitgemaak, dus bereid uch veur dit geit ein lank verhaol weare.

Inmiddels bun ich al zon twee en halve moand hiej, de tied vluug ech. De band mit de kinjer van mien hostfamily is auch verangerd, veul hechter. Ich had ut doa lits mit ein van de au pairs euver, het merkte auch det noe ut 2 maond hiej is de kinjer veul closer zeen noa hem toe, terwiel ze in het begin beveurbeeld neet neave heur wolle zitte. Merkse toch det zon kinjer tied neudig hubbe om aan eemes te winne, waat auch heel logisch is.
Lits zag ut kleintje van 2: ' Sahassa (zo nump ut mich) I need you' . Ooh mien hertje smolt op det moment. Mit ut jungske geit ut noe auch stukke beater mbt het make van zien hoeswerk. In het begin haaj ich dao regelmaotig strijd mit, den zag ich det dr zien hoeswerk mos make en wol dr ut neet doon, waat oeteindelik leidde tot ein welles nietes spelletje. Toen wis ich, ich mot iets verangere om te bereike det dr zien hoeswerk maak. Verbeter de wereld begin bij jezelf vinj ich dao waal eine toepasselijke quote biej. Dus noe geaf ich um eers ff tied om te spele en zien dink te doon es dr oet sjool kump en zik ich ' oke effe kwarteerke spele en den hoeswerk' ipv ' maak dien hoeswerk metein es dr truuk is oet sjool' en ich merk det dit waal effec heaf. Op gegeave moment vroog dr zelfs wieveul minute der nag euver haaj om te spele veurdet dr zien hoeswerk mos make.

Ich mot zikke mien vakantie nao Fraser en whitsundays hubbe mich beheurlik aan het dinke gezat. Einmaol truuk in Sydney wis ich det ich zeker meer wol zeen van Australie en misjien onnag waal meer van anger lenj erom hear. Ich bun noe immers hiej. Nao versjillende gesprekke mit Kylie de hostmooder (Kylie heaf zelf altied veul gereis) hub ich in grote liene ein plan gemaak veur ut tweede halfjoar. Geer leas ut al..ich blief dus langer den ein halfjoar.
Ut plan is noe (maar det kint nag idder moment wijzige) om noa mien 6 moand in Sydney te gaon au paire in Melbourne veur zon 3/4 moand. Eers pak ich ein weakske vakantie nao Fiji en van doa oet vleeg ich door nao Melbourne. Tiedens mien verblief in Melbourne wil ich de weekende gebroeke om meer van dea kanjt te zeen (Kangaroo Island, Philippe Island, Adelaide en the great ocean road).
Nao miene tied es au pair dao is ut plan om de westkust van Australie te doon same mit Mandy, super aardige Limburgse au pair:). Dernoa wil ich nag nao Nieuw Zeeland en den missjien nag Bali. Dit is de grove opzit, ut kint nag verangere.

Det euver mien planne. In de aafgelaupe weekende hub ich auch ut ein en anger ongernomme. We hubbe noe ein vas gruupke Nederlandse au pairs wo we dinger mit ongernumme, erg gezellig. Veural limburgers en broabenjers.
Zo zeen we nao ANZAC day geweas, ANZAC steit veur Australian and New Zealand Army Corps. Op deze daag wird stilgestange biej de Eerste Wereld Oorlog en dao in wird auch eer getoond aan de soldaote van Australie en Nieuw Zeeland van vreuger en noe. Dit jaor waas ut 100 joarig bestaon. Dr waar ein grote parade door Sydney wo in veteranen en soldaote van noe mitlepe same mit muziekkorpse. Erg indrukwekkend, oud veterane die amper koste laupe lepe toch mit mit deze optoch. Respect. En die muziekkorpse, geweldig. Veurnamelik korpse mit doedelzakke. Ech sjiek! Dernao zeen we nao ein ceremonie geweas in het park, wederom erg indrukwekkend. Op dea daag waas ut auch super mooi wear en weer lekker werm, want het wear is de aafgelaupe tied neet zo fijn geweas. Heel veul reagen. Zo is dr auch eine storm geweas, 3 daag nonstop reage en windj. Op versjillende plaatse waas de straum oetgevalle en treine reje neet doordet dr buim op de rails ware gevalle. Gelukkig hub ich dao niks van gemerk in de buurt wo ich woon.

Maar om weer effe truuk te gaon nao mien verhaol. Anzac day waas dus in ein woard zeer indrukwekkend en ich bun bliej det ich de optoch en ceremonie hub moge zeen en mitmake.
De daag dernao 26 april, eine daag veur koningsdag, zeen we mit zn alle op eine boot geweas. Neet zomaar eine boot, unne boot mit allein mer Hollenjers in ut oranje gekleid om koningsdag te viere. Waas erg leuk mot ich zikke maar auch raar om inins idderein om dich hear Hollands te heure kalle ipv Ingels. Dao zitse den op unne boot mit hollenjers in Australie varend onger de harbourbridge. Zo raar, maar waas waal heel erg leuk. Zeker toen dr op ein gegeave moment ein plaat van Guus Meeuwis wirde gedrejt. De stumming zoot dr good in.

De aafgelaupe tied heaf ut veural aardig get gereagend en hub ich het weekend gebroek om ut museum te bezeuke. Ich bun hiej noa ut barracks museum geweas (ein vreugere gevangenis), det vertild euver de geschiedenis van vreuger euver de Britse gevangenen en kolonies die hiej op Australie kwamen.

Veur de rest..geer leas ut al inne titel. Ricky Martin. Ich bun veurige weak nao ein concert van Ricky Martin geweas. Noe zult geer uch waal aafvraoge woorom Ricky Martin, ich zal ut effe oetlikke.
Joyce, super aardige broabantse au pair vroog op unne woonsdig of ich neet zin haw om de volgende daag nao ein concert te gaon. Ziene hostvader wirkt biej ein organisatie wo ze tickets verkaupe en hea haw 2 gratis keartjes. Dao hoofde ich natuurlik neet lang euver nao te dinke, Kylie mien hostmooder waar super enthousiast en reageerde al metein van: ' yes you should go, we will be back at home earlier and take you to the train' . Het concert waas heel erg leuk, de show derom hear mit de leegte en alles waas al erg indrukwekkend om te zeen en ut verbaasde mich wieveul liedjes ich kos. We haaje boxtickets, waat inheel desse ein soart van eige balkonnetje deils same mit zon 10 anger miense. Fijne plaatse dus. Waat mich waal opveel waas det dr allein maar zitplaatse ware, gein ein staonplaats. Raar, want de meziek van Ricky Martin is neet ech bepaold meziek om te blieve zitte.
Ich mot waal zikke op det moment haw ich effe zon Aha Erlebnis (of wie zeat men det). Ich dach ech: 'ich zit hiej geweun in Australie nao ein concert van Ricky Martin te kieke'. Al mit al eine sjoane aovund gehad.

Dea meziek van Ricky Martin brach mich op ut idee om nao ein salsabar te gaon. In Curacao waas ich doa al mit in aanraking gekomme en vonj ut helemoal geweldig en Magda haaj ein aantal weake geleje al veurgesteld om nao ein salsabar te gaon. Helaas waar det toen nieks gewoare omdet we get te laat wore haha. Dus besloate we om dea vriedigaovund te gaon. Cuban place hoot ut. Heel erg leuke aovund gehad en auch ein paar dansjes gedaon. Ich haaj waal al paar lesse gehad in Curacao en Nederland, maar op dea dansvloer bakte ich dr nieks van. Misjien hiej onnag ins ein paar lesse volge, want ich vonj ut toch waal heel erg leuk en merkte toen pas det ich ut toch waal gemis haw.

En last but not least..geer raajt ut nooit mer gister bun ich nao de kirk geweas. Elizabeth, ein Amerikaanse au pair waat ich in de eerste weak det ich hiej woor ontmoet hub, haw mich mitgevroag. Het zag al dit is neet de kirk diesse gewind bus, hetgeen mich waal nuujsjierig maakte.
Gister om 19u waas den de mis. Mit de bus vanoet Central vertrokke we den. Ich neet weitende waat mich te wachtende sting en het vonj ut geweldig det ich mit ging. In de bus zote allemoal jong luuj (20/30 jaor oud). Ich vroog aan Elizabeth of ze allemoal noa de kirk ginge en het zag jao. Noe waar ich toch waal ech nuujsjierig. Dao stopte we den nao 10 minuutjes in de bus veur ein geboew. Ut leek alles behalve op ein kirk, ut waar geweun ein geboew zik maar.
Einmoal binne, gein beelde, geine orgel, gein kruutskes niks. Geweun ein soart zaal. Elizabeth stilde mich veur aan heur vrunj die ut hiej ontmoet haaj. Nou ech, ich hub nog nooit zon aardige miense ontmoet ut leek net neemes ech ein veuroordeil euver eemes haaj en idderein geweun zichzelf woor. Eine zag ' ooh waat leuk desse hiej bus, van harte welkom, ich gaon dich aan mien vrunj veurstelle' vervolges wirde ich aan waal twintig man veurgesteld en allemoal reageerde ze eave enthousiast det ich der waar' . Eigelik is ut neet te omsjrieve, det mosse geweun mitmake.
Einmoal in de 'mis' wis ich neet waat ich zoog. Ech allemoal jongere, zeker waal zon 300 man. Ut altaar om ut zo maar te numme waas gein altaar maar geweun ein podium mit ein bendje. Dr wirde meziek gemaak en idderein zong mit, eine kliek zik maar heel erg leuk. Waas meer ein soart van concert den ein mis. Dernao ging idderein truuk noa de stool en deej eine jong 'predikke'. Dit waas wederom in ein modern jasje gestaoke. Hea gebroekte veul humor, wodoor ich auch ech loesterde. Hea haaj ut ging euver ut begrip ' vergelieke'. Idderein vergeliek zich mit angere en zuut ut graas van de bure allein maar greuner es biej zichzelf, terwiel ut vaak maar sjien is want auch biej die bure is ut graas neet altied eave greun. Ich mot zikke ech waal un kern van woarheid en vonj ut ech zeer interessant. Al mit al vonj ich dit ein zeer leuke, interessante ervaring en bun ich erg bliej det Elizabeth mich haw mitgevroag.

Veur de kommende moande hub ich in idder geval nag genog op mien lieske staon. Kommende weekend the Blue Mountains, weekendje noa Uluru. Euver paar weake (2, 3 of 4) zal ich weer ein verslagje make euver mien avonture. Ich vinj ut in idder geval ech heel leuk det geer mich volgt en auch leuk om uch reacties te leaze:) dankjewel!