Way back.....in de outback!

Leeve blogleazers,

Net eine daag truuk van 4 dage in de outback en waat waas ut sjitterend! Gear wil ich mien ervaringen mit uch deile.

Vriedigmorge same mit Magda op ut vleegveld vanoet Sydney nao Midden Australie, oftwel de Red Centre. Waat haaje we dr allebei zin in, veur Magda waas dit het eerste tripje boete Sydney. Ongeveer drie en half oer doerde de vluch en eindelik bun ich in staot om in ein vleegtuug in slaop te valle.

Einmoal op ut vleegveld in Ayers Rock wirde we geliek verwelkomd door ein aangenaam zunke. Het vleegveld waas bis klein en waar eigelik neet veul te beleave. Boete zoge we geliek de woestijnomgeaving mit ut rooie zand. Geweldig! Maar door welke bus wirde we noe opgehoald? Magda leep nao ein van de buschauffeurs hear en die zagte det we os neet druk hoofde te make en jawel dao kwaam ozze bus/truck aangereje mit dao op de tour waat we geboek haaje, namelik ' wayoutback'.
We hawwe twee tourguides, eine echte en eine nag in opleiding. Jules en Matt. We veulde os al drek welkom want Matt zag: ' welcome to the family'. Jules probeerde os te koppele aan ein beroemdheid en zo verangerde Magda in Helen Hunt en ich in Scarlet Johansson haha. Het gezelsjap in de bus besting oet 12 anger man, allemoal oet versjillende plekke van Europa. Frankriek, Engeland, Polen, Italie, Denemarken, Duitsland. Hele leuk groep, normaal hubse waal ins mit zon tours desse get minder op hubs mit eine, maar mit deze groep hubbe we ech 4 geweldige daag gehad.

Wie de tesse ingelaje ware in de aanhangwage en idderein zoot, reje we op weag nao het cultureel centrum mit informatie euver de Aboriginals. In de verte zoge we al de Uluru berg. Ut waas op det moment zo onrealistisch. Dit beeld van de weag mit de omgeaving drom hear (woestijn) haaj ich altied veur mich es ich aan Australie dach. Neet ut beeld van Sydney en de stad maar de oneindige weag mit ut rooie zand en de geale verkeersbordjes langs de kanjt. Zo onrealistisch, heel onwerkelik maar ongeluiflik mooi. Op de achtergrond mit muziek gezonge door ein Aboriginal, kippenvelmomentje.
Dernao reje we verder nao Uluru, ein heel belangrieke rots veur de Aboriginals. De gids zag det we hiej op koste laupe es we wolle, maar bleek eigelik toch waal heel duudelik det dr leever neet haaj det we ut deje. Onger angere vanweage de veiligheid maar auch vanweage ut culturele stuk. De rots is namelik van de Aboriginals en in ut verlede hubbe de Britte deze van hun aafgenomme. Op veurwaarde det touriste de berg mochte beklimme mochte de Aboriginals deze rots weer truuk hubbe. En det terwiel ze eigelik altied rondom deze rots en in de grotten hievan gewoond hubbe. Nao ut heure van dit verhaol wol neemes van ozze groep de rots beklimme, iets wo beide tourgidse heel bliej mit wore.
Wederom prachtig, de rooie rots mit es achtergrond de helder blauwe loch en ut rooie zand.

Nao versjillende informatie en nao zon 2 oer gelaupe te hubbe, reje we nao ein speciaal pleatske om de zondsondergang te zeen mit es oetzich de Uluru. Ze zikke namelik det de rots verkleurd biej zonsondergang en ich kin noe bevestige det ut ech zo is. Van fel rood nao oranje nao broen..schitterend. De kleure van de loch op de achtergrond stoke dr wederom auch erg mooi teage, meer ein soart aura van blauw, rose, oranje, geal. Heel mooi.
Einmaol wie de zon onger waar, hubbe we nog mit de groep ein wijntje gedronke en get crackers gegeate. Dernao reje we truuk nao ut kamp. Gelukkig waas dr al gekoak en koste we drek aansjuve om ut kampvuur. Inmiddels waas de temperatuur gedaald van 24 nao 12 grade. De sterre ware teveursjien gekomme, waat ein prachtig beeld goof. Kos zelfs de melkweg zeen. Nao aafgewasse te hubbe installeerde idderein zich mit ein beakerke wien in de handj biej ut kampvuur. Tied veur kampvuurspelletjes, geweldig waat hub ich gelache.

Rond 22u waar ut bedtied, want de volgende morge moste we om 5.30 opstaon om de zonsopgang te kinne kieke. Idderein sleep om ut kampvuur in eine swag. Eine swag is meer eine soart slaopzak mit ein matras in, dea is geweun aope dus kos fijn noa de sterkes kieke. En nea..ich hub gein pin geleje. Ut waas lekker werm in de swag.
De tourgids goof aan det we neet de wikker hoofde te zitte maar det hea os waal wakker maakte, maar waal op zien maneer. Det hub ich gewete, smorgesvreug wirde ich door elkaar gesjud det ich mos opstaon.

Nao ut lekker ontbijtje en alles te hubbe ingepak (waat euverigens bis teage veel omdet dr bienao gein licht waar) ginge we op weag om de zonsopgang te kieke. Wederom mit de Uluru op de achtergrond. Heel erg mooi, allein waas ut waal ff pin lieje. Waar ech koud. Gelukkig mochte we de sloapzakke mitnumme in de bus.

Dernao hubbe we ein paar oer gereje nao Kata Tjuta, ein anger gebergte. Zelfde kleuren es Uluru en ongeveer zelfde structuur, maar den toch anges. Groter, meerdere bergere, angere vorm maar wederom erg mooi. We hubbe ongeveer twee en half oer gewanjeld. Nao de wanjeling gereje noa ein kamplaats om te lunche. Barbeque! Nao de lunch weer verder gereje nao ozze angere kampplaats in de buurt van Kings Canyon. Det loog zon 100 of 200 km verderop. Ongertusse nag eine pitstop op ut tenkstation gemaak. Dao waas ein klein winkelke biej wo det we drank en get lekkers koste kaupe en...ein tuutje mit koeiestrond. Geluif ut of neet, zie foto. Dus..do you want to have a piece of shit? Gank noa de outback zoe ich zikke.
Nao get cider hubbe gekoch en de veugelkes van dao gespot te hubbe, reje we verder nao ut kamp. Inmiddels begos ut al duuster te weare en ut kamp loog ech in de outback. Nieks mer den auch nieks drom hear, maar waal fijn tentjes mit bedde wo we in koste slaope. We koste dr veur keeze om in de swag te slaope, maar det bidje sprook toch get meer aan.
Dao krege we ein rondleiding nao de douche en de wc, idderein mos get takke mitnumme. Idderein dach nag, we komme os eige wctje aant grave. Belangriek waar, de wc rol en de zaklamp. Die stinge op ein toafel, maar es ein van die twee weg ware beteikende dus det we moste wachte. Later bleek auch wrom. De wc waar euverigens ech modern, geweun ein wc watse kos doorspeule. Waal in ein hukske zonger deur, wobiej se dus prachtig oetzich hads op de sterre. De douche waar auch geweun ein douche zonger deur, maar om werm water te kriege moste we eers ein vuurtje make. Dao haaje we dus auch de takke veur neudig.

Nao ut eate, besloate Magda en ich om toch ff lekker te douche. Mit de zaklamp op weag nao de douche. Dao heurde we inins get krake..Magda sjient mit de zaklamp en rech veur os staon twee Dingo's. Oei, dao haw de tourgids niks euver vertild, allein ut verhaol euver ein meadje waat zich stong te douche en eine kameel waat ut douchehok in kwoom.
Ich dink dea geit os dalik aanvalle, dus ich gaon fijn achter Magda staon (bun ich effe ein gooi vriendin haha). Magda zeat kom we laupe geweun door die doon niks, maar ich wol toch leever eers truk nao ut kampvuur wo de res waar. Toen de tourgids zag det det gein kwoad kon, ginge we weer truuk nao de douche. Waas ut vuur veur ut werm water oet gegange, dus hubbe we eers nag ein tiedje staon te hannesse om det vuur weer aan te kriege. Nao zon 10 minuut sting ich den eindelik onger eine werme douche mit allein ut licht van de zaklamp en oetzich op de sterre. Heerlik!

Beide fris en fruitig nao de douche waar ut toch ech tied om te gaon slaope, want noe moste we om 5 oer opstaon. Ut waas namelik nag aardig ein stukske rieje nao Kings Canyon.
Einmoal dao, auch weer geweldig oetzicht. De wanjeling zoe ongeveer 3 tot 3 en half oer doere. Eerste stukske wirde de ' heartattack hill' genump..klink mich det ff positief. Ich snap auch wrom, drie steile hellinge die we moste beklimme. Daonao veel ut gelukkig mit maar die hellinge ware toch waal pittig.
De wanjeling waar erg mooi, hele mooie oetkiekpunte en auch wederom prachtig wear. Nao de wanjeling reje we langzaam truk noa Alice Springs en maakte we nag ein tussestop op ein camelfarm, wo we de kans krege om op eine kameel te rieje. Eers dach ich :'nea ich maak waal geweun foto's', maar oeteindelik wol ich toch waal op zonne kameel ein rundje rieje. En....eindelik hub ich eine kangaroo gezeen haha. Ze zote weliswaar waal achter ein hek op de camelfarm maar eavegood.

Dernao reje we nao Alice Springs, om dao de nach in ein hostel door te bringe. Eigelik vonj ich det bis waal jammer, ich vonj ut ech geweldig in de outback. Saoves zeen we nag mit zn allen inclusief de tourgidse gaon oeteate. Hele leuke aafsloeting van eine prachtige tour en ein onvergeatelijke ervaring!