Bula! Goodbye and hello.

Hallo leef miense

Allereers mien excuses veur ut laote ongerkomme van mien blog, maar tis alweer effe geleje, maar positieve is det ich waal weer veul om te sjrieve hub.

De litste weekende in Sydney hub ich gebroek om de litte paar dingskes aaf te strepe waat op mien lieske stong. Zo bun ich same mit Michelle nao Taronga Zoo geweas. Prachtige dierentuin mit sjoan bieeskes. Waat hubbe die giraffe dao ein geweldig oetzich, die kieke namelik oet euver het opera house en de harbour bridge. Dea daag woor ut onnag ins prachtig wear, want het wear is gelukkig wird hiej steeds beater. Ja miense, het waas winter(leas lente) in Sydney. Euverdaag ein temperatuur tusse de 18 en 20 grade, bis aangenaam. Allein saoves waas het kaad, omdet de luuj in Australie gein centrale verwerming kinne of dubbel glaze.
Maar goed weer effe truuk nao mien litste weake in Sydney. Het aaftille begos langzaam. Dea litste vriedig veur de nuuje au pair arriveerde hubbe Kylie en Jonathan mich mit oeteate genomme. Ich haw ein fotobeukske veur ze gemaakt. Dea zunjig dao op (9 augustus) arriveerde de nuuj au pair. Ein 19 jaorig Duits meadje waat onnag bis dich inne buurt woont, 10 km van Venlo aaf. Heel gezellig om nag eemes in hoes drbiej te hubbe maar tegeliekertied auch raar, want det betekende det mien litste weak waas aangebroake. In die weak hub ich gezweze wie alles in zien wirking ging, maar om eerlik te zeen drong ut nog neet tot mich door det ut al de litste weak waas. Det moment is dr inmiddels nog steeds neet ech, ondanks det ich noe in Adelaide zit. Dao verttil ich trouwes zo meer euver.

Dea zaoterdig nao miene litste werkdaag waas het den zo wiet. Fiji time!! Heerlik ein weakske noa Fiji. Ech aafsjied genomme haw ich nag neet, omdet ich nag veur ein nach truuk zoe komme in Sydlney. Ich moch namelik mien koffer dao loate staon, wodoor ich neet alle spulle mit hoofde te numme nao Fiji en dernao onnag eine daag haaj om alles te wasse. Superfijn en auch leef aangeboaje van Kylie en Jonathan.
Saoves laat kwaam ich pas aan in Fiji en dernao ging ich eigelik vriewel geliek nao bid, omdet ich de volgende morge vreug op mos om mit de boot nao de versjillende eilande te gaon. In 6 daag tied zoe ich 3 versjillende eilande van Fiji bezeuke.
Waat keek ich oet noa lekker 30 grade, zon, zee en strand. Helaas waar dr gein zon te bekinne, allein maar grieze loch en.....reage! Ich dach ' och ut is Fiji det trik waal biej' maar wie ut 16u smiddigs waas, nag steeds gein straaltje zon te bekinne. ' Oke, den mot ut morge beater weare' bedach ich mich. Maar helaas waas dea tweede daag precies hetzelfde. Gelukkig haw ich geluk mit het reisgezelsjap op het eerste eiland. Eine mix van Ingelse, Duitsers en Colombianen zurgde toch veur veul spas en plezeer. Veural de veule putjes kaarte mochte de pret neet drukke. Einmoal aan de proat bleek det het Colombiaanse koppel in Adelaide woonde, de plek wo ich nao Sydney noatoe gaon. Nummers oetgewisseld en ze zagte det ze mich zoewe rondleide. Ideaal!
De tweede daag op het eiland zeen we ondaks het wear nao de grotte geweas. Prachtig, maar hub dr helaas gein foto's van omdet het onger water waas en ich helaas neet in het bezit bun van eine ongerwatercamera. Nooit gedach det ich in Fiji nag pin zoe lieje, maar waat waas het kaad op dea boot. Reage, gein zon en winjt. De derde daag (tevens auch het vertrek nao het tweede eiland) bedach ich mich om ipv te snorkele den toch maar te gaon veur de relaxing massage. En toen gebeurde het..om 11u kwaam de zon teveursjien. Heerlik, noe wirde het helderblauwe water nog zichtbaarder. Echt geweldig.

Inmiddels waas de boot gearriveerd om nao het tweede eiland te gaon. Eine Ingelse jong, Stuart, bleek dezelfde tour es ich te hubbe, waat op zich waal fijn woor want noe kos ich tenminste al eemes ongerweag nao het nuuj eiland. Biej het tweede eiland aangekomme (white sandy beach) wirde we werm onthaold door het zingend personeel. Waat ein ontvangst en waat ein vrunjelijke luuj. Augustus is bliekbaar eine hele fijne tied om te gaon, want het waas gein hoogseizoen. Det bleek oet het feit det we maar mit zn 4 in totaal op het eiland ware, nag ein Ingels meadje Izzy en eine Argentijnse jong Pablo. Op dit eiland waas dr zelf ein programma opgestild mit activiteite. Zo kos haaje ze om 16u volleybal. Dao wol ich waal aan mit doon, maar ze zagte det het waal 16u Fijij time waas. Wis ich veul waat fijji time beteikende. Om 16u zoot ich netjes te wachte biej het volleybalveld, maar geine. Nao ein kwarteer dach ich verrek toch ich gaon mich lekker in het zunke likke. Om 17u wirde ich gerope of ich zin haaj om mit te gaon volleyballe. Noe wis ich auch drek waat ze mit fiji time bedoelde.
Nao het oavundeate wirde dr door het personeel spelkes verzorg. Ich hub mich kapot gelache, zo ginge we de Fijische versie van 'old macdonald had a farm' zingen en mos idderein ein dier nao doon.
En zo waas de tweede daag op eiland twee aangebroake. Zwumme mit de mantarays. Eintje hubbe we dr gezeen, prachtig groot beeske, maar dao kwaam ut. We ware mit ut beutje midde op de zee. Natuurlik gein trap of nieks en auch neet gezwank genog om zelf dea boot in te komme. Izzy en ich os al druk make om ozze bikinitopjes, want ja esse dea boot wirs ingetrokke den hubse natuurlik kans det de bikini omleeg vilt. Noe haaje die Fijians toch effe ein henjige oplossing. We moste os omdrejje mit de ruk nao de boot toe en wirde zo onger de erm omhoog getrokke. Wederom zorgde dit veur de neudige lachende gezichte, maar waat ware Izzy en ich beide opgeluch haha.
Einmaol truuk waas het tied veur ein aantal acitiviteite. Zo krege we ein kokosnootdemonstratie en wirde de kokosnoot mit blote voes kapot geslage. Ich hub auch eine poging gewaag, ein pienlike handj en eine nog steeds hele kokosnoot toet gevolg. Dernao waas het tied veur de krabrace. Ein van de personeelslede haaj ein putje mit krabbetjes in. Op ein toafel wirde twee cirkels geteikend en op iddere krab wirde mit kriet de naam opgesjreve. De krab dea es eerste de cirkel oetleep won. Geweldig.
Jaomer genog moste we dit sjoane eiland mit het vrunjelijke personeel verloate. Stuart, Pablo en ich verder nao ut derde eiland. Izzy ging nao ein anger eiland.

Dit derde eiland waas heel klein, in 5 minuten waarse om het hele eiland gelaupe. Waal heel verzog en mooi en auch wederom om vrunjelik personeel. Dea aovund op tied het bid in omdet het ontbijt al om 7u smorges waas. Dea litste daag zeen we nao het eiland geweas wo ze de film 'castaway' hubbe opgenomme. Dernao zeen we nao ein durpke geweas op ein van de eilande en hubbe we Kaba gedronke. Dit is ein soart drank det gemaak is van de kabaplant gemix mit water. Het zuut dr ech oet wie aafwaswater en zo wie ut oetzoog zo smaakte het auch.
Kort samegevat kin ich truukblikke op ein geweldige weak en moch geer urges ver weg op vakantie wille den zoe ich Fiji zeker aanraje.

Gister (22 aug) bun ich weer truuk gevloage nao Sydney. Litste keer Sydney, zo raar. Wie ich in de bus nao Chatswood zoot bedach ich mich nag wie het de eerste weake waas wie ich hiej nag geine weag kos of nieks. Noe 6 maond verder weit ich inmiddels al good de weag door Sydney en hub ich auch eine mooie vrunjegroep euvergehaje mit sjoan herinneringe. Ongeluiflik 6 maond, het klink zo lang maar het veult nag es de daag van gister det ich het mofers durpke vaarwel zag.

Op nao het volgende avontuur, Adelaide. Vanochtend aafsjied gennomme van de familie. Heel erg dubbel. Bliej om weer aan ein nuuj avontuur te beginne en Sydney te verlaote, maar auch jammer om aafsjied te numme van zon leef luuj. Maar goed, ich bun bliej det ich kin trukblikke op ein geweldig halfjoar.

Het eine moment zitse nag in Sydney en zo zitse in het zuide van Australie, want vanmiddag om half 1 lande ich in Adelaide. Op het vleegveld zoog ich inins drie bekinde gezichte. Toen ich ff knipperde bleek det det mien nuuj hostfamily te zeen. Hele leeve luuj, same gelunch, hubbe mich ein tour door het hoes geweze en waal drie keer gevraog of mien kamer auch nao wens waas en of ich nag get neudig haw. Ich bun benuujd waat de kommende drie en halve maond hiej mich gaon bringe, maar ich hub dr zin in! Bring it on.