Avonture in zuiden van Aussie

Dao bun ich weer, nuuj avonture beleaf die uiteraard vas motte weare gelag in mien blog.
Euver ein paar daag bun ich al eine maondj biej het nuuje gezin, ongeluiflik ich blief ut zikke 'waat vluug dea tied'. Ich mot zikke det ich het auch mit dit gezin heel erg getroffe hub en dao bun ich heel bliej en dankbaar veur. Ich zal ein bietje ein omsjrieving geave van wie mien daag droet zuut en auch het gezin omsjrieve.
De aajers van het gezin zeen eave aad (jonk) es mien twea zusse. Laura en James zeen de name en same hubbe ze ein kiendje van angerhalf joar, Lydia. Den woont de zus van de gastvader auch in hoes, Truly-Belle. Het hoes besteit oet twee verdepinge, op de boavenste verdeeping wone Laura, James en Lydia en de ongerste verdeeping deil ich same mit Truly-Belle. Erg gezellig mot ich zikke, de zus is heel spontaan en oape en saoves kieke we same dukker nao Mcleoads daugthers of the bachelor. Ich bun de eerste au pair veur heur. Ze zeen nag heel erg zeukende waat ze precies van mich kinne vraoge en wie det alles in elkaar zit, maar gelukkig kin ich nao mien eerste ervaring hun dao in ein bietje helpe. Ze betrikke mich heel erg biej hun familie, wodoor ich mich ech welkom veull. Zo haaje ze ein paar weake truuk in het weekend allemaol vrunj oetgeneudig op bezeuk om kennis mit mich te make.
Het kiendje is ech ein mupke, heel vrolijk en actief, is neet eine waat stil kint blieve zitte. Het huilt eigelik allein es ut meug is of es het honger heat, ideaal haha! Ich hub heur 3 daag in de weak van 7.30 tot 19.00. Die anger daag doon ich het hoeshaaje, wasjes drejje en vaaje, stofzuige en koake. Veurdet ich kwoom is Lydia ummer nao ut kinjerdaagverblief geweas, 5 daag in de weak en ich merkte det het veur hem toch waal lestig waas om aan mich te winne, waat natuurlik heel begriepelik is. Inins is het drie daag in de weak thoes biej eemes waat het van te veure nag nooits gezeen heat. Dit resulteerde in huile es de aajers wegginge en het moment det ich binne leep zag het ' no no'. Ich mot zikke dit vonj ich toch waal lestig, ofja lestig is misjien ein groEs ut mich noe zuut smorges es ich de keuke in laup, zeat het neet meer ' no no' en het moment det aajers thoes zeen kump ut eavegood auch steeds nao mich toe gerend.
Nao dees 4 weake hub ich auch de drej gevonje in de daagindeiling. De eerste weak waas ich continue op de klok aant kieke, dea tied leek maar neet veurbiej te gaon. Zeen noe auch waal 11 oer. Inmiddels hub ich dao auch structuur in gevonje. Smorges gaon we nao de bieb of boodjsappe doon en smiddigs nao ut park of ein speelplein.

Tusse Adelaide en Sydney zeen dr waal versjille. Adelaide is stukke kleiner en rustiger. Het centrum is veul rustiger en dr zeen auch neet zon grote geboewe, veul oapener en ruumer. Haaj ich waal ech van. Rondom Adelaide zeen dr veul wiengaarde. Gister waas ich mit het klein nao de kinjerboerderie geweas en reej ich door al dees wiengaarde. Ech prachtig, waat ein sjoan landsjap. Het gezin heaf eine extra auto dea ich door de weak en het weekend kin gebroeke. Det guf zoveul vrieheid. Zo fijn om neet meer mit ut oapenbaar vervoer te hove reize, alehowel ich mot zikke het oapenbaarvervoer hiej is auch neet zo wie in Sydney. Det waas dao bis waal good geregeld.

Aafgelaupe weekend bun ich op vriedig mit de vleeger nao Melbourne gevloage om dao de great ocean road te doon same mit de Limburgers. Ich heur ut sommige van uch al dinke (alweer?). Jep, alweer, maar ich bun tenslotte auch maar eine keer hiej. dink ich den.
Op het vleegveld in Melbourne haaj ich aafgesproake mit Janine en Mandy, zoa leuk om hun nao 3 weake weer te zeen. In Melbourne hubbe we ein bietje rondgelaupe en os de tram gepak om ein bietje van de omgeaving te zeen. Eigelik ware we allein maar aan het kalle en neet ech op de omgeaving gelit. Witse waat het is, Melbourne is den waal kleiner es Sydney maar eigelik is het ein stad mit grotendeils dezelfde winkels, hoge geboewe, straote vol mit auto's en luuj. Nieks speciaals in mien uig. Ich hub ut dink ich geweun ff gehad mit de grote stede. Wie Sydney hadse nag waal het opera house det speciaal waas om te zeen en de harbour bridge, maar in Melbourne waas dr neet ech get speciaals. Maar goed genog dao euver, truuk noa mien verhaol.
Vriedigaovund slepe we in ein hostel. Nao 6 deure wiejer ware we den eindelik op ozze kamer. Krakende moere, ich vonj ut toch maar nieks. Alledrie dachte we det ut hostel vreuger ein gevangenis geweas woor. We haaje zelfs tralies veurre raam. Nao die nach redelik get te hubbe gesloape, zeen we smurgesvreug vertrokke om ozze huurauto op te haole om de great ocean road te rieje. Helaas haaje we de pech det dr ein ongeluk gebeurd waas op de bruk, wodoor we ein oer inne file hubbe gestange. Einmaol Melbourne oetgereje, zoge we sjoan weilande mit prachtige blome. Ech ein ganse wei vol geal bloome, heel mooi om te zeen. De great ocean road waas auch zo mooi. Langs de zee mit ein heerlik zunke. We haaje os ech ut gooi weekend oetgekoaze, want het waas 25 grade.
Van de snelheidslimiet hubbe de Australiers toch gein kiees gegeate. Op stukke woosse mekkelijk 80/100 kos mochse maar 60 en op de cliffe langs de zea mochse 80. Neet ech veilig liek mich maar god. Mam en pap maak uch maar gein zurg, weer hubbe geweun op os gemaak gereje.

Zonne sjoane daag vluug helaas auch snel veurbiej, het begos al donker te weare dus hubbe we os het dichtbiezeende hostel geboek. Heel knus en gezellig holstel. Erg laat hubbe we het neet gemaak want de volgende daag zeen we om 6.30 opgestange om nao de Twelve Apostles te rieje. Dit is ein erg bekinde plek wo veul toeriste hear gaon. De twelve apostles zeen 12 rotse in de zee, mit geweun ein prachig oetzicht. Bliej det we dao hean zeen geweas. De man van het hostel haw os vertild det es we tied haaje we nao kennet river moste gaon. Hiej kosse namelik koala's in het wild zeen. Op de weag truuk nao Melbourne zeen we hiej auch gestop en jawel hoor, we hubbe twee koala's in de baum gezeen. Dr zote auch ein paar sjoan vogels in versjillende kleure. Ongeluiflik det die hiej geweun rondvlege en we die thoes in ein kooitje stoppe.

Einmoal truuk in Melbourne auto ingeleverd en op nao het vleegveld. Mandy en Janine haaje heur vleegtuug truuk nao Sydney maar ich haw ein klein foutje gemaakt mit boeke. Ich minde det ich op de zunjig truuk zo vleege, tenminste det waas het plan. Bleek det ich de verkeerde datum haaj aangeklik en ich dus eine daag later de vluch truk nao Adelaide haaj. Gelukkig det ich hiej ein weak van te veure nag achter kwaam. Woepsie, foutje haha.
Maar goed op het vleegveld gekomme waas het tied om aafsjied te numme van Janine. Janine geit euver ein paar weake alweer truuk nao Nederland. Mandy zeen ich in december dit jaor nag om same de westkust aaf te reize.
Aafsjied neame is nooit leuk, maar gelukkig is het gein aafsjied en zeen we os in Limburg weer. Het is auch gein vaarwel maar ein tot ziens.

Al mit al kin ich dus truukblikke op ein geweldig weekend en dao blief het neet biej, want hiej in de omgeaving zeen auch vanallerlei dinge te zeen en doon.
Het plan is om ein weekendje nao kangaroo island te gaon, nao de filmset van Mcleods daughters (is maar ein halfoer rieje hiej vanaaf) en nao de bekinde wiengaarde, Barossa Valley.

Leef miense bedank det geer mien blog geleaze hub. Toet de volgende blog.

X