Al oppe hilf..

Leeve blogleazers,

Alweer paar weake verder sinds ut sjrieve van mien litste blog en vandaag bun ich den precies 3 moand hiej wat beteikent det ich euver 3 maond klaor bun biej dees leeve hostfamily es au pair.
Inmiddels bun ich bezig mit het regele van ein nuuj gezin om dao nag ins in ein paar moand aanne slaag te gaon maar den in het zuide van Australie. Hub al twee gesprekke gehad mit families en ich bun eigelik aan het wachte tot ein familie mich ein aanbod duit, in ut volgende verslaag kin ich uch hiej meer euver vertille.
Door nag ins ein paar moand in ein anger plaats aanne slaag te gaon es au pair kin ich en dea kant van Australie auch zeen en auch nag get geld spare om dernao de res van Australie/Nieuw-Zeeland te zeen.

Neave het zeuke nao ein familie bun ich in de weekende natuurlik auch weer op joets geweas. Zo bun ich in het eerste weekend van mei mit eine groep van zeve vrouwluuj nao de Blue Mountains geweas. De Blue Mountains is ein natuurgebied mit berge wo ein bietje ein soart van blauwe waas euver hunk (vandaar auch dea naam) en zon 2 en half oer mit de trein vanoet Sydney. We haaje os dao ein hostel gehuurd wo we ein nachje zeen verbleve (dao kom ich zo nag ff op teruuk want we hubbe os dao nag get mitgemaak haha).
De oetzichte in de Blue Mountains ware ongeluiflik mooi. We haaje det weekend geluk want het zunke sjeen fijn. Op moment det ich nao de vanaaf enige heugte stong te kieke nao eine waterval dea vanoet de berge omleeg struimde, haw ich toch weer effe zon ' Aha Erlebnis' det ich hiej es moferter meadje aanne angere kant vanne weareld staon. Stiekem bun ich dao toch waal ein bietje trots op det ich deze stap gezat hub, maar veural auch heel dankbaar det ich dit moog mitmake.
Nao zon aantal oere laupe, de neudige foto's en naodet de hoare gans doorein gewejd ware beslaote we om langzaam teruuk te gaon nao ut hostel. Maar..we wolle natuurlik eers waal de zonsondergang zeen, allein ut probleem waas wo? Welke kanjt en wo waar noe de biste plaats. De man van de infobalie zag punt A en de buschauffeur vanne hop on hop off bus (euveriges eine zeer vrunjelijke miens) zag punt B. Oeteindelik besloate we toch maar de buschauffeur geliek te geave en heat dea os nao ein oetzichpunt gebrach. De zon begos al langzaam onger te gaon, dus einmoal aangekomme biej ut oetzichpunt zeen vr es ein stel kippe zonger kop nao onger gerend om de zonsondergang neet te misse. Helaas waar dr al net achter de berg verdwene maar hubbe we eavegood van ein mooi oetzich genaote.

Einmaol teruuk in ut hostel waas idderein toch waal ein biejte gaar. Nao ein of anger bordspel te hubbe gespeeld zeen we den auch nao os bidjes gegange. We sleepe mit 10 oppe kamer. Ein kamer mit allemoal stapelbedde en idderein heaf zien eige kluuske om de spulle in te doon. Idderein heaf auch ziene eige sleutel om binne te komme en om ut kluuske oape te make. ' s Nachs om 4oer wirde ich wakker, ich deej mien uigskes aope en zoog dao biej de kluuskes unne kearel staon mit ein cappuchon op. Ich dach..waat is dea aan het doon. Hea haw zich zien sjoon oetgedaon en probeerde kluuskes oape te make. Op ein gegeave moment reup Janine: ' Hey that's not your locker' . Idderein van os kamer op slaag wakker. De twee jonges die op os kamer sleepe zeen toen noa hem hear gelaupe en hubbe um nao de deur begeleid. Zon kwarteerke later steit dr weer binne, wederom wirde dr weer netjes nao de deur begeleid door de twee jonges en is idderein fijn gaon slaope. Raadsel is wie dr binne is gekomme.
Oeteindelik bleek det hea op de kamer neave os sleep, maar det dr zo zaat woor det dr dach det ut zien kamer waas haha.

De tweede daag hubbe we ut anger gedeilte van de Blue Mountains gedaon en toen zeen we langzaam maar zeker weer teruuk gegange nao hoes. Ongerweages nag flink gelache om ozze Nederlandse spreakwoorde die we vertaald hawwe nao ut Ingels. Ein aantal wil ich waal gear ff mit uch deile:
- He doesn't let him eat the cheese of his sandwich
- Searching for a spelt in a hay mountain.
Einmaol teruuk inne trein waas ut stampevol, we moste oppe grond gaon zitte omdet geweun nurges gein zitplaatse meer te vinje ware. Op det moment veulde we os ech es ' herrings in a tin'.

Dees weak is hiej vivid begos, ein soart van lichtfestival. In de stad zeen allemaol gebouwe wo onger het opera house en de harbourbridge verlicht in versjillende kleure en zeen dr lichtshows met muziek te zeen. Gister effe ein kijke genomme, erg druk maar waal auch heel sjoan.

Helaas haw ich neet zonne gooie start vanne weak...maondig waar de oma vanne kindjes hiej vanoet Queensland en is ze mit gegange nao het tennisveld wo ut kleinste op moandigemorge humpty sports heaf. Ongertusse ging ich de boodsjappe doon. Ongerweages kwaam ich in ein smale straot terech mit aan beide kenj auto's geparkeerd. Ich dink det geer um al veult aankomme..maar ich reej dus get kort op ein van die auto's mit es gevolg det de boetespeegel besjadig wirde.
De 'no worries' mentaliteit kwoom naobaove wie ich Kylie belde om te vertille waat mich gebeurd waas. Kylie zag:'och maak dich neet druk de auto is verzekerd en doe hubs ut toch neet expres gedaon'.
De dinsdig drop ging ich wederom mit de auto op paad (dit keer panisch det mich get mit dea auto zoe gebeure). Biej ut station netjes de auto geparkeerd. Kom ich teruuk vinj ich ein breefke op de raam. $104 boete vanweage ut te lang geparkeerd staon van de auto. Helaas bestaon doa gein verzekeringe veur haha.

De weak waal good aafgesloate mit eine salsa aovund en het verjeurdaagsfeestje van Zia, het wird morge 3 jaor.
Versjil mit Nederland is det de aajers van de kinjer die oetgeneudig zeen auch mitkomme noa ut feestje en ze neet allein aafzitte en weer ophaole maar dus auch daadwerkelijk op het feestje blieve.