Carnaval we viere het met zn al!

Bon dia (goedendag),

Gear wil ich uch oppe hoogte haaje van waat ich dees weak weer mit hub gemaak. We ginge dees weak nao eine winkel wo ze eigenlijk vanalles hubbe van hoeshoudappartuur tot kleijer, La Curacao hit dea winkel.
Dao haaje we un weagsjoal gevonje en we koste t neet loate om dao ff op te gaon staon. Veel det ff mit, nieks aangekomme. Op ein gegeave moment gebaarde eine medewerker get. In eerste instantie begreep ich ut neet. Toen maakte dr weer detzelfde time-out gebaar en toen veel t kwartje. De winkel ging sloete, want de leegte wore inmiddels auch oet. Un paar daag later zeen we weer nao dea winkel gaon kieke en dit keer zeen we waal tot de tweede verdeeping gekomme, wo de kleijer honge. Op un gegeave moment zeat Mabel teage mich: 'Natas heb je die paspoppen al eens bekeken' en jawel hoor auch hiej waar un versjil te zeen. De paspoppe hiej in de winkel hubbe namelik gein geweun cupmoat, mer ech un dubbel D cup.

Ein paar daag later moste we toch ech de benj ins gaon oppompe van de auto. Ze zooge dr namelik erg leag oet (en zelfs mich es gooie autokinner..ahum..veel det op, dus det wilt waal get zikke). Van te veure haaje we al zoveul tirecenters gezeen en noe we dr eine moste hubbe om de benj op te loate pompe koste we dr geine vinje. Oeteindelik stinge we vas in de file en wore we get om os hear aant kieke. Inins zeat Mabel 'hey hier liggen allerlei banden' en dao sting eindelik het bord Tirecenter. De benj laote oppompe en toen koste we weer wiejer om te tanke. Om hiej te tanke mosse eers noa eine balie om aan te geave veur wieveul geld se wils tanke en aan welke pomp ze steis. Die zitte dich den de pomp aan en den kinse veur 40 ANG (ongeveer 18 euro) tanke.

Veur de res geit eigelik alles zien gangetje. Morge gaon we weer ein nuuj familie volge biej de dolphintherapy, ich bun ins benuujd. Ich haop det we weer zon leuke familie kriege es de aafgelaupe twee weake.
Aafgelaupe weak hubbe we aan eine dolfijntrainer gevraog of we ins mochte kieke es ze de dolfijne deeje traine en ze zag: 'oh ja hoor, we kunnen altijd wel wat hulp gebruiken'. Kommende zoaterdig gaon we den mithelpe mit de dolfijne te traine. Ich hub dr zonne zin in, ich haop ech det ich ins zon dolfijn moog aaie.

Dit weekend waas ut den carnaval. Ich hauw toch waal ff de kriebels toen ich alle foto's zoog van de vastelaovund in Limburg. Gisteroavund hauw ich dao geine las meer van.
Hiej op Curacao is auch carnaval, ich waar heel benuujd nao de optoch. Om 15 oer stinge we al paraat om te kieke, want de locals hiej zagte det dr om det tiedstip ongeveer langs zoe komme. Ongertusse kwome we nag ein collega teage van het dolphintherapy, het vroog of we biej heur kwome staon. Heel gezellig!
Om 18.00 oer kwoom den eindelik de optoch langs. Ech geweldig, zon mooie groepe. Normaal bun ich neet zo van het veule foto's make, mer noe waar de camera miene biste vriend en hub ich meer den 100 foto's gemaak. Heel erg leuk, de miense die mit de optoch mitlaupe posere ech veur de camera es ze zeen desse foto's aant make bus. Auch zonne leuke sfeer, en toen die trommels. De muziek make ze allemoal zelf. Veur de groep riejt unne wage mit doa op allemoal muzikante (trommeleers, pianiste, zangers num mer op).
In ein woard, geweldig!